කොවිඩ් 19 උච්චතම අවස්ථාවක් පැමිණෙන බවට වික්ටෝරියා ගිලන් රථ සේවය කලින් දැන සිටි බවට ආන්දෝලනාත්මක අනාවරණයක් සිදුකර තිබෙනවා.
වික්ටෝරියා ආපදා කළමණාකරණ පොලිස්පති ටෝනි පියර්ස් පවසන්නේ 2020 වසරේදී සිදුකල පූර්ව අනාවැකි හරහා එය ප්‍රකාශයට පත් කර සියලු ගිලන් රථ සේවා වෙත ලබා දී තිබූ බවයි.
වික්ටෝරියා ගිලන් රථ ප්‍රමාදය හමුවේ පුද්ගල මරණ 33 ක් සිදුවූ බවට දින කිහිපයකට පෙර නිකුත් වූ වාර්තාව පිළිබඳ අදහස් දක්වමිනුයි ඔහු මේ බව පවසා සිටින්නේ.
කෙසේවෙතත් මෙම ප්‍රකාශය සහ වික්ටෝරියා ප්‍රාන්ත අගමැති ඩැනියල් ඇන්ඩෲස් සිදුකල ප්‍රකාශය අතර පරස්පරයක් පවතිනවා.
ඔහු පසුගියදා සඳහන් කර තිබුණේ ප්‍රාන්තයේ කිසිදු හදිසි අවස්ථා තත්වයක් පිළිබඳව ගිලන් රථ සේවය දැනුවත්ව සිටියේ නම් පූර්ව පියවර ගැනීමට හැකියාව පැවති බවයි.
පුද්ගල මරණ 33 පිළිබඳව කණගාටුව පළකරන බවත් සියයට 90 කට ආසන්න ඇමතුම් සඳහා තත්පර 05 ක් ඇතුළතදී පිළිතුරු ලබාදී ඇති බවත් අගමැතිවරයා ප්‍රකාශ කලා.
