සතියක් තුළ මෙල්බන් අවට ගිනි ගැනීම් 8ක් ගැන විශේෂ විමර්ශණයක්

මෙල්බර්න්හි උතුරු ප්‍රදේශයේ දුම්කොළ අලෙවිසැල් දෙකක් ගිනිගෙන විනාශ වීමෙන් පසු පොලිසිය විශේෂ විමර්ශනයක් ආරම්භ කර තිබෙනවා.

ඊයේ අලුයම 4.15ට පමණ සහ 1.19ට පමණ මෝර්ගන් කෝට් සහ බ්ලෙයර්හි පිහිටි අලෙවිසල් දෙකක් මෙලෙස ගිනිගෙන විනාශ වී ඇති බවයි වාර්තා වන්නේ.

ගින්නට නිශ්චිත හේතුවක් තවමත් නිශ්චය කර නොමැති අතර පොලිසිය එය සැක සහිත ලෙස සලකා විමර්ශන සිදු කරන බව වික්ටෝරියා පොලිසියේ ප්‍රකාශිකාවක් සඳහන් කළා.

මෙල්බන් නගරය පුරා ව්‍යාපාරවලට ගිනි තැබීම් මාලාවකින් පසුව මෙම දුම්කොළ අලෙවිසැල් ගිනි ගැනීම් වාර්තා වී තිබෙනවා.

අපරාධ කණ්ඩායම් අතර පවතින ආරවුල් මෙම ගිනි තැබීම්වලට සම්බන්ධ ද යන්න විමර්ශනයට කාර්ය සාධක බලකායක් ද පිහිටුවා ඇතැයි සඳහන්.

පසුගිය බ්‍රහස්පතින්දා මෙල්බර්න් තදාසන්න ප්‍රදේශයක් වන ෆෝක්නර් හි ව්‍යාපාරයක ගින්නක් ඇතිවීමෙන් පසු ඊයේ අවුරුදු 19 සහ 35 වයස්වල පුද්ගලයන් දෙදෙනෙකු අත්අඩංගුවට ගනු ලැබුවා.

ඔවුන් දෙදෙනාගෙන් එක් අයෙකු වෙළඳසැලට පෙට්‍රල් වත් කර ගිනි තබා ඇත්තේ සොරකම් කළ මෝටර් රථයකින් පැමිණ බවයි පැවසෙන්නේ.

දුම්කොළ අලෙවි කරන ව්‍යාපාර ඉලක්ක කර ගනිමින් ෆෝක්නර් ගින්න ද ඇතුළුව පසුගිය සතිය තුළ ඇති වූ ගිනිගැනීම් අටක් පිළිබඳව වික්ටෝරියා පොලිස් කාර්ය සාධක බලකාය විමර්ශනය කරමින් පවතිනවා.

නීතිවිරෝධී දුම්කොළ වෙළඳාමට සම්බන්ධ සංවිධානාත්මක අපරාධ විමර්ශනයට පසුගිය වසරේ ඔක්තෝම්බර් මාසයේදී පිහිටුවන ලද කාර්ය සාධක බලකාය වික්ටෝරියා ප්‍රාන්තයේ සැකකරුවන් 58 අත්අඩංගුවට ගෙන ගිනි තැබීම් 51 ක් විමර්ශනය කර ඇති බව සඳහන්.

පැතිර යන රෝගයක් නිසා NSW සෞඛ්‍ය අංශවලින් අනතුරු ඇඟවීමක්

පැතිර යන රෝගයක් නිසා NSW සෞඛ්‍ය අංශවලින් අනතුරු ඇඟවීමක්නිව් සවුත් වේල්ස් ප්‍රාන්තයේ ඉන්ෆ්ලුවෙන්සා රෝගීන් සංඛ්‍යාව සියයට 33කින් ඉහළ ගොස් තිබෙනවා.

Read More »

උත්සවවලට අවශ්‍යම වන ද්‍රව්‍ය කිහිපයකට NSW ප්‍රාන්ත කවුන්සිලයකින් තහනමක්

නිව් සවුත්වේල්ස් ප්‍රාන්තයේ බයිරන් බේ කවුන්සිලය විසින් සැරසිලි ද්‍රව්‍ය කිහිපයක් සඳහා තහනමක් පැනවීමට පියවර ගෙන තිබෙනවා.

Read More »

හැමෝටම බලපාන හේතුවක් නිසා ඔස්ට්‍රේලියාවේ නගර කිහිපයක් මුල් තැනට එයි

එළඹෙන මූල්‍ය වර්ෂයේදී නිවාස මිල වැඩි වශයෙන් ඉහළ යන නගර අතුරින් පර්ත්, ඇඩිලේඩ්, සිඩ්නි සහ බ්‍රිස්බේන් මුල් තැනට පත්වනු ඇතැයි නව සමීක්ෂණ මගින් තහවුරු වී තිබෙනවා.

Read More »

රුධිර පරිත්‍යාගයෙන් මෙල්බන් පදිංචිකරුවෙක් වාර්තාවක් පිහිටුවයි

877 වන වරටත් රුධිරය පරිත්‍යාග කිරීමෙන් පසු මෙල්බර්න් නගරයේ ජීවත් වන පුද්ගලයෙක් ඔස්ට්‍රේලියාවේ වඩාත්ම ක්‍රියාකාරී රුධිර පරිත්‍යාගශීලියා බවට පත් වී තිබෙනවා.

Read More »

ඔස්ට්‍රේලියාවේ සාප්පු සවාරි යන අයට අඩුම මිලට බඩු ගන්න තැනක්

ඔස්ට්‍රේලියාවේ සුපිරි වෙළඳසැල් ජාලය තුළ අඩුම මිලකට සිල්ලර භාණ්ඩ මිලදී ගත හැකි වෙළඳසැල් සම්බන්ධයෙන් නව සමීක්ෂණයක් සිදු කර තිබෙනවා.

Read More »