ඔස්ටේ්‍රලියානු සංචිත බැංකු විධායක මණ්ඩලය අද රැස්වන අතර උද්ධමනය පාලනය කිරීමේ අරමුණ ඇතිව අඛණ්ඩව 05 වන මාසයටත් පොළී අනුපාත ඉහළ දැමීම පිළිබඳ තීරණයක් එහිදී ගැනීමට නියමිතයි.
ඊට සමගාමීව වාණිජ බැංකු විසින් cash rate අගයන්ද වැඩි කරනු ඇති.
සියයට 0.25 ත් 0.5 ත් අතර අගයකින් පොළී අනුපාත වැඩි කරනු ඇති බවත් ඒ අනුව cash rate අගයද සියයට 2.35 කින් පමණ වැඩි කෙරෙනු ඇති බවත් ආර්ථික විද්‍යාඥයන් අනාවැකි පළකරනවා.
එසේ වුවහොත් 2014 වසරේ දෙසැම්බර් මාසයෙන් පසු ඔස්ටේ්‍රලියාව තුළ cash rate අගය ඉහළම අගයකින් වැඩි කෙරෙන පළමු අවස්ථාව බවට එය පත් වනු ඇති.
උකස් වාරික ගෙවන අයෙකුට මේ අනුව සිය වාරිකය ඩොලර් 144 කින් පමණ වැඩි වනු ඇති බවට අපේක්ෂා කල හැකියි.
ඒ අනුව මැයි මාසයේ සිට මේ දක්වා සිදුවූ උකස් වාරික වැඩිවීම ඩොලර් 600 ක් පමණ වනවා.
ඔස්ටේ්‍රලියාව තුළ cash rate අගය ඉහළයාම 2024 වසර දක්වා සිදුවිය හැකි බවට ආර්ථික විශ්ලේෂකයන් පුරෝකථනය කරනවා.
නත්තල් සමය වනවිට එය සියයට 3.1 ක් දක්වාද ලබන පෙබරවාරි මාසය වනවිට සියයට 3.35 ක උපරිමයක් දක්වාද වැඩි විය හැකි බවටයි අනාවැකි පළවන්නේ.
