වසර 30 කට පමණ පසු ඔස්ටේ්රලියාවේ සුභසාධක දීමනා වැඩි කිරීමක් අද සිට සිදුවනවා.
ලක්ෂ 50 කට ආසන්න පිරිසකට එමගින් වරප්රසාද උදාවනු ඇති බවටයි ගණන් බලා ඇත්තේ.
ඉහළයන ජීවන වියදම සහ උද්ධමනය සැළකිල්ලට ගෙනයි මෙම දීමනා ඉහළ නැංවීමට පියවර ගැණුනේ.
මේ අනුව Age Pension, Disability Support Pension & Carer Payment යන දීමනා තනි පුද්ගලයෙකු සඳහා සති 02 කට ඩොලර් 38.90 ක් ද යුවළකට ඩොලර් 58.80 ක් ද ලෙස ඉහළ දැමෙනු ඇති.
ළමුන් නොමැති තනි පුද්ගලයෙකු සඳහා සති 02 කට හිමිවන JobSeeker දීමනාව ඩොලර් 25.70 කින් ඉහළ දමා ඇත්තේ ඩොලර් 677.20 ක් දක්වායි.
Parenting Payment දීමනාව සති 02 ක කාලයක් සඳහා ඩොලර් 35.20 කින් වැඩි කර තිබෙනවා. ඒ අනුව නව දීමනාව ඩොලර් 927.40 ක් දක්වා ඉහළ යනවා.
ABSTUDY දීමනාද ඉහළ දමා ඇති බවයි ෆෙඩරල් රජය නිවේදනය කලේ.