ඔස්ටේ්රලියාව තුළ බලාත්මක කොවිඩ් හුදකලා කාලය අඩු කිරීමට ජාතික කැබිනට් මණ්ඩලය තීරණය කර තිබෙනවා.
ඒ අනුව රෝග ලක්ෂණ පෙන්නුම් නොකරන ආසාධිතයන් මින් ඉදිරියට දින 07 ක් වෙනුවට දින 05 ක් පමණක් හුදකලාව සිටිය යුතු බවට තීරණය වූ බව අගමැති ඇන්තනී ඇල්බනීස් සඳහන් කලා.
කෙසේවෙතත් රෝග ලක්ෂණ පෙන්නුම් කරන ආසාධිතයන් තවදුරටත් දින 07 ක කාලයක් හුදකලාව සිටිය යුතු වනවා.
ලබන සැප්තැම්බර් 09 වනදා සිට මෙම නව රෙගුලාසි බලාත්මක වනු ඇති.
මේ අතර වසංගත ආපදා දීමනාව ලබාදීමේ ක්රමය සංශෝධනය කල යුතු ආකාරය පිළිබඳව තීරණය කිරීමට ඉදිරියේදී තවත් සාකච්ඡාවක් පවත්වන බවද අගමැතිවරයා සඳහන් කලා.
ලබන 09 වනදා සිට අභ්යන්තර ගුවන් ගමන්වල නිරතවන ගුවන් මගීන් මුහුනු ආවරණ පැළඳීමද අනිවාර්ය වන්නේ නැහැ.