ඔස්ටේ්‍රලියාවේ දැනට ඉතිරිව පවතින කොවිඩ් රෙගුලාසි ද ඉදිරි පැය කිහිපය තුළදී ඉවත් කෙරෙනු ඇති බවට වාර්තා පළවනවා.
ඒ අද පැවැත්වෙන ජාතික කැබිනට් මණ්ඩල රැස්වීමේදී මේ සම්බන්ධයෙන් අවසාන තීරණයක් ගැනීමට නියමිතව තිබීම හේතුවෙන්.
දැනට දින 07 ක්ව පවතින හුදකලා කාලසීමාව දින 05 ක් දක්වා අඩු කිරීමට මෙහිදි අවසන් තී්රණයක් ගනු ඇති බවටයි වාර්තා පළවන්නේ.
සියලු ප්‍රාන්තවල අගමැතිවරුන් මේ පිළිබඳ පොදු එකගතාවයක් ඇති කර ගැනීම අතිශය වැදගත් බව අගමැති ඇන්තනී ඇල්බනීස් පසුගියදා සඳහන් කලා.
කෙසේවෙතත් සෞඛ්‍ය වෘත්තීය සමිති කිහිපයක් අවධාරණය කර තිබුණේ හුදකලා කාලසීමාව අඩු කිරීම හැර අනෙකුත් කොවිඩ් රෙගුලාසි තවදුරටත් සංශෝධන සහිතව පවත්වාගෙව යාම වැදගත් බවයි.
ගුවන් යානා තුළ මුව ආවරණ භාවිතය සහ එන්නත්කරණ අවශ්‍යතා ඒ අතර වනවා.
