ජෙට් ස්ටාර් ගුවන් සේවයේ ගුවන් ගමනක් අවලංගු කිරීම හමුවේ මගීන් විශාල පිරිසක් ජපානයේදී දැඩි අපහසුතාවයට ලක්ව තිබෙනවා.
ටෝකියෝ හි නරීටා ගුවන් තොටුපළේ සිට ගෝල්ඩ් කෝස්ට් දක්වා පැමිණීමට නියමිතව තිබූ JQ 012 ගුවන් යානයයි මෙලෙස පැය 24 කින් කල් දමා තිබුණේ.
ජපානයේ නිරෝධායන නීති අනුව ගුවන් මගීන්ට ගුවන් තොටුපළෙන් පිටතට යාමට පවා නොහැකිවීමෙන් ආහාර සහ ජලය නොමැතිව දැඩි දුෂ්කරතාවයකට පත්ව තිබෙනවා.
කෙසේවෙතත් සියලු ගුවන් මගීන්ට ආහාර සහ නවාතැන් පහසුකම් නියමිත පරිදි සැලසූ බව ජෙට් ස්ටාර් ගුවන් සේවය නිවේදනය කලා.
ජපානයේ සිට වෙනත් රටකට යාමට සිටි ගුවන් මගීන්ට පමණක් ගුවන් තොටුපළෙන් පිටතට යාමට නොහැකිවූ බවයි ඔවුන් සඳහන් කලේ.
