ක්වීන්ස්ලන්ඩ් ප්‍රාන්තයේ රියදුරන් සඳහා ලබන සැප්තැම්බර් 16 වනදා සිට නව දඩයක් පැණවීමට ප්‍රාන්ත රජය තීරණය කර තිබෙනවා.
මාර්ගයේ හදිසි ආපදා සංඥා ඇති ස්ථානවලදී ධාවන වේගය අඩු නොකරන සහ එම සංඥා නොතකා රිය ධාවනය කරන රියදුරන්ගෙන් ඩොලර් 432 ක දඩයක් මෙලෙස අයකර ගැනීමට නියමිතයි.
ඊට අමතරව ඔවුන්ට අප්‍රසාද ළකුණු 03 ක්ද ලබා දෙනු ඇති.
සියලු හදිසි රථ – ගිලන් රථ – පොලිස් මෝටර් රථ – ගිනි නිවීම් රථ සහ ආපදා රථ සඳහා ප්‍රමුඛත්වය නොදෙන රියදුරන්ගෙන්ද මෙහිදී දඩ අය කර ගැනීමට නීති සකස් කර තිබෙනවා.
හදිසි ආපදා අවස්ථාවල සේවයේ නියුතු සේවකයන්ට ප්‍රමුඛතාවය ලබාදීම මෙහි මූලික අරමුණ වන බවයි ක්වීන්ස්ලන්ඩ් ප්‍රාන්ත රජය දන්වා සිටින්නේ.
