හිටපු පාර්ලිමේන්තු මන්ත්‍රී රංජන් රාමනායකට හෙට හෝ ලබන 29 වනදා නිදහස ලැබෙනු ඇති බවට අමාත්‍ය හරින් ප්‍රනාන්දු අනාවැකි පළකරනවා.
ඒ ට්විටර් සටහනක් නිකුත් කරමිනුයි.
මෙම කටයුත්තේ දී වෙහෙස නොබලා කටයුතු කළ අධිකරණ අමාත්‍ය විජේදාස රාජපක්ෂට ද තමන් ස්තුතිවන්ත වන බව හරීන් ප්‍රනාන්දු අමාත්‍යවරයා සිය ට්විටර් සටහනේ සඳහන් කර ඇත.
ට්විටර් සටහනක් තබමින් අමාත්‍යවරයා කියා සිටියේ මනුෂ නානායක්කාර අමාත්‍යවරයා, තමන්ද ඇතුළුව බොහෝ දෙනා ඒ සම්බන්ධයෙන් ජනාධිපති රනිල් වික්‍රමසිංහ මහතාගෙන් ඉල්ලීම් සිදුකළ බවයි.
අධිකරණයට අපහාස කිරීමේ චෝදනාව සම්බන්ධයෙන් වසර 04ක සිර දඬුවම් හිමිවූ හිටපු පාර්ලිමේන්තු මන්ත්‍රී රන්ජන් රාමනායකට ජනාධිපති සමාව ලබාදීමට නියමිතව ඇත.
ඒ සම්බන්ධයෙන් ඔහු පසුගියදා දිවුරුම් ප්‍රකාශයකට ද අත්සන් තබනු ලැබුවා.
https://twitter.com/fernandoharin/status/1562745930213863424?s=20&t=5PEMeDGKTFxsGk3TOwCfgw
