සිසුන් මිලියන 40 කගේ පමණ ශිෂ්ය ණය කපා හැරීමට අමෙරිකා ජනාධිපති ජෝ බයිඩ්න් තීරණය කර තිබෙනවා.
වාර්ෂික තනි පුද්ගල ආදායම අමෙරිකානු ඩොලර් 125,000 ට අඩු සහ පවුලක නම් ඩොලර් 250,000 ට අඩු නම් සිසුන් විසින් ගෙන ඇති ණය මෙලෙස කපා හැරීමට නියමිතයි.
එක් අයෙකුට ඩොලර් 10,000 ක උපරිමයක් යටතේ අදාළ ණය කපා හැරෙන බවයි අමෙරිකානු වාර්තාවල සඳහන් වන්නේ.
ඉහළ යන උද්ධමනය සහ ජීවන වියදම හමුවේ සිසුන් මුහුණපා ඇති දුෂ්කරතා සැළකිල්ලට ගෙනයි ජනාධිපති ජෝ බයිඩ්න් මෙම තීරණය ගෙන ඇත්තේ.
කෙසේවෙතත් මෙය අදාළ වන්නේ සිසුන් විසින් අමෙරිකානු මධ්යම රජයෙන් ගත් ණය සඳහා පමණක් වන අතර එක් එක් අධ්යාපන ආයතනවලින් ගත් ණය හෝ පාඨමාලා ගාස්තු මීට අදාළ වන්නේ නැහැ.
