ඇපල් සමාගමේ මීලග නිමැවුම වන අයිෆෝන් 14 ලබන සැප්තැම්බර් 07 වනදා (ඔස්ටේ්‍රලියාවෙන් වේලාවෙන් සැප්තැම්බර් 08) එළිදක්වන බව ඇපල් සමාගම නිවේදනය කරනවා.
කෙසේවෙතත් වෙළඳපොළට මිළදී ගැනීම සඳහා එය නිකුත් කරන්නේ සැප්තැම්බර් 16 වනදායි.
එහි අඩංගු විශේෂාංග කිහිපයක් සම්බන්ධයෙන් මේ වනවිට නිල නොවන අන්දමින් වාර්තා පළවී තිබෙනවා.
ඒ අනුව කැමරාව ඉහළම තාක්ෂණ අංගයන්ගෙන් සමන්විත වන අතර රාත්‍රී කාලයේ ඡායාරූපකරණයට අදාළ පහසුකම් රැසකින් එය සමන්විත වනවා.
අයිෆෝන් 14 දුරකථනය සමග ඇපල් වොච් නවතම නිෂ්පාදනයක්ද එළි දැක්වීමට නියමිත බවටයි වාර්තා පළවන්නේ.
කොවිඩ් වසංගතය ආරම්භයත් සමග ඇපල් සමාගම විසින් සංවිධාන කරන දැවැන්තම එළිදැක්වීම මෙය වනු ඇති බවටත් වාර්තා පළවනවා.
