ගව මුඛ සහ කුර රෝගය නව එන්නතක් වැඩි දියුණු කිරීමට නිවු සවුත් වේල්ස් ප්‍රාන්ත රජය පියවර ගෙන තිබෙනවා.
mRNA ඝනයට අයත් එම එන්නතේ පර්යේෂණ සඳහා වෙන් කර ඇති මුදල ඩොලර් මිලියන 5.7 ක්.
ඉන්දුනීසියාව තුළ ගව මුඛ සහ කුර රෝගය පැතිරයාමත් සමග ඔස්ටේ්‍රලියාවද ඒ පිළිබඳ දැඩි අවධානයක් යොමුකල අතර මෙල්බන් සහ ඇඩිලේඩ් ගුවන් තොටුපළවලට පැමිණි මස් පාර්සල කිහිපයකින් එම වෛරස් කොටස් හමුවීමත් සමග දැඩි පියවර රැසක් අනුගමනය කෙරුණා.
කිසියම් අයුරකින් මෙම වෛරසය රට පුරා පැතිර ගියහොත් ඔස්ටේ්‍රලියා ආර්ථිකයට ඩොලර් බිලියන 80 ක පමණ පාඩුවක් සිදුවිය හැකි බවටත් ගණන් බලා තිබුණා.
කෙසේවෙතත් දැනට එවැනි අවධානමක් නොමැති බවයි ඔස්ටේ්‍රලියානු පශූ වෛද්‍ය අංශ අවධාරණය කරන්නේ.
