මානසික සෞඛ්‍ය ගැටලු හමුවේ විසඳුම් අපේක්ෂාවෙන් සිටින ඔස්ටේ්‍රලියානුවන් දහස් ගණනකට මනෝ වෛද්‍යවරයෙකු හමුවීමට මාස ගණනක් බලා සිටීමට සිදුවී ඇති බව නවතම වාර්තාවක් අනාවරණය කරනවා.
කොවිඩ් වසංගතයත් සමග රට තුළ මනෝ වෛද්‍යවරුන්ගේ දැඩි හිගයක් ඇතිවීම ඊට හේතුවයි.
ඔස්ටේ්‍රලියාව තුළ උද්ධමනය ඉහළ යාම – ජීවන වියදම වැඩිවීම වැනි කරුණු හමුවේ මානසික ගැටලුවලින් පීඩා විඳින පුද්ගලයන් සංඛ්‍යාව ඉහළ ගොස් ඇති බවයි පසුගියදා වාර්තා වූයේ.
ඒ අනුව විවිධ මානසික උපදේශන සේවා ලබාගන්නා පිරිස ඉහළගොස් ඇති බවද සඳහන්.
එහෙත් දීර්ඝ කාලයක් පොරොත්තු ලේඛනවල රැඳී සිටීමද සිදුවීම හමුවේ ඇතැමුන්ට සති 12 ක් පමණ බලා සිටීමට සිදුවී ඇති බවද වාර්තා වනවා.
