සංක්‍රමණ වැඩපිළිවෙල පූර්ණ ප්‍රතිව්‍යුහගත කිරීමක් නොකළහොත් ඔස්ටේ්‍රලියාවට පුහුණු ශ්‍රමිකයන් අහිමිවීමේ අවධානමක් උද්ගතවනු ඇති බවට සංක්‍රමණ අමාත්‍ය ඇන්ඩෲ ගයිල්ස් අනතුරු අගවනවා.
විශේෂයෙන් ඔස්ටේ්‍රලියාවට ඒමට සූදානමින් සිටි පුහුණු ශ්‍රමිකයන් අතිවිශාල පිරිසක් කැනඩාව වැනි රටවලට ඇදී යාමේ ප්‍රවණතාවයක් දක්නට ඇති බවයි අමාත්‍යවරයා පෙන්වා දෙන්නේ.
ලක්ෂ 10 කට ආසන්න වීසා අයදුම්පත් සංඛ්‍යාවක් සළකා බැලීමට ඉතිරිව පවතින අතර එම අයදුම්පත් යොමුකල පිරිස් දැඩි අපේක්ෂා භංගත්වයට පත්ව වෙනත් රටවල් කරා යොමුවෙමින් පවතින බව සංක්‍රමණ අමාත්‍යවරයා සඳහන් කරනවා.
සංක්‍රමණ අමාත්‍ය ඇන්ඩෲ ගයිල්ස් විසින් මෙම ආන්දෝලනාත්මක ප්‍රකාශය සිදුකරනු ලබන්නේ දැනට වාර්ෂිකව ඔස්ටේ්‍රලියාව විසින් භාරගනු ලබන 160,000 කට ආසන්න පුහුණු ශ්‍රමිකයන් සංඛ්‍යාව 40,000 කින් ඉහළ දැමීමට ලේබර් රජය සූදානම් වන බවට වාර්තා පළවී ඇති පසුබිමකදී වීමද විශේෂත්වයක්.
දැනට වසරකට පිළිගැනෙන සරණාගතයන් සංඛ්‍යාව 13,750 සිට 27,000 දක්වා ඉහළ දැමීමටද ලේබර් රජය සූදානම් නමුත් කුමන කාලයකදී එය ක්‍රියාත්මක කරන්නේද යන්න මෙතෙක් තීරණය කර නැතැයි සංක්‍රමණ අමාත්‍යවරයා මෙහිදී සඳහන් කලා.
