2022-23 වසර සඳහා වන දකුණු ඔස්ටේ්‍රලියා ප්‍රාන්ත Skilled විසා වැඩසටහන යටතේ අයදුම්පත් භාරගැනීම ලබන බ්‍රහස්පතින්දා එනම් අගෝස්තු 25 වනදා සිට ආරම්භ කෙරෙනවා.
වෘත්තින් 500 කට අධික සංඛ්‍යාවක් සඳහා මෙහිදී සුදුසුකම් සහිත පුද්ගලයන්ට සිය අභිලාෂය ඉදිරිපත් කල හැකියි.
වෘත්තීන් 470 කට පමණ ඔස්ටේ්‍රලියාවෙන් බැහැරව සිටින අයදුම්කරුවන් සඳහාද එදින සිට ඉල්ලුම් කල හැකි වනවා.
දකුණු ඔස්ටේ්‍රලියා ප්‍රාන්ත රජය දන්වා සිටින්නේ ඔවුන් ROI එකක් යොමු කිරීම අවශ්‍ය නොවන නමුත් SkillSelect EOI හි සියලු තොරතුරු යාවත්කාලීනව පවත්වාගෙන යාම අවශ්‍ය වන බවයි.
මීට අමතරව ව්‍යාපාරික වීසා කාණ්ඩය යටතේ ස්ථිර පදිංචියට අදාළ අයදුම්පත් භාරගැනීමය නුදුරේදී ආරම්භ කරන බව දකුණු ඔස්ටේ‍රලියා ප්‍රාන්ත රජය දන්වා සිටිනවා.
