හිටපු අගමැති ස්කොට් මොරිසන්ගේ ලිබරල් රජය යටතේ කොවිඩ් පාලනය සම්බන්ධයෙන් විමර්ශනය කිරීම සඳහා පූර්ණ බලැති රාජකීය කොමිසමක් පත් කිරීම කෙරෙහි අවධානය යොමුවී තිබෙනවා.
වත්මන් ෆෙඩරල් රජය විසින් ඒ සම්බන්ධයෙන් අවසන් තීරණයක් ගෙන නොමැති නමුත් කුමන හෝ විමර්ශනයක් පවත්වන බවයි අගමැති ඇන්තනී ඇල්බනීස් කියාසිටියේ.
හිටපු අගමැති ස්කොට් මොරිසන් විසින් රහසිගතව අමාත්‍ය ධුර 05 ක දිවුරුම් දී තිබුණේ තමාට රට තුළ කොවිඩ් වසංගතය පාලනය සඳහා අමතර බලතල අවශ්‍ය යැයි ප්‍රකාශ කරමිනුයි.
ඒ අනුව වසංගතය නියමාකාරයෙන් පාලනය කෙරුණේදැයි මෙහිදී විමර්ශනය කිරීමට නියමිතව තිබෙනවා.
ස්කොට් මොරිසන්ගේ ක්‍රියාව සම්බන්ධයෙන් තවදුරටත් ඔහුට පක්ෂව මෙන්ම විපක්ෂවද මතවාද පළවෙමිනුයි පවතින්නේ.
