කොවිඩ් වසංගත සමයේ ඔස්ටේ්රලියාව ලොක්ඩවුන් කර තිබියදී එවක අගමැති ස්කොට් මොරිසන් විසින් රහසිගතව අමාත්ය ධුර 03 ක දිවුරුම් දී ඇතැයි එල්ලවන චෝදනාවක් පිළිබඳ විමර්ශනයක් පවත්වන බව වත්මන් අගමැති ඇන්තනී ඇල්බනීස් පවසනවා.
සෞඛ්ය – මුදල් සහ සම්පත් යන අමාත්ය ධූර 03 හි සම (joint) අමාත්ය ධූරවල මෙලෙස දිවුරුම් දුන් බවටයි ස්කොට් මොරිසන්ට චෝදනා එල්ල වන්නේ.
සොලිසිටර් ජනරාල්වරයාගේ උපදෙස් මත මේ පිළිබඳ නීතිමය පියවර ගන්නා බව අද පෙරවරුවේ පැවති මාධ්ය හමුවකදී අගමැති ඇන්තනී ඇල්බනීස් කියාසිටියා.
රටවැසියන්ට නොදන්වා සිදුකල මෙම ක්රියාව පිළිබඳ දැනුවත්වීමට සමස්ත ඔස්ටේ්රලියානුවන්ට අයිතියක් ඇතැයිද වත්මන් අග්රාමාත්යවරයා අවධාරණය කරනවා.
තමා අද දිනය තුළදීම මේ පිළිබඳ නීති උපදෙස් ගන්නා බවත් ඔහු සඳහන් කලා.