ඔස්ටේ්රලියාවේ Cash in Hand ක්රමයට මුදල් ගෙවන කොන්ත්රාත්කරුවන් හට බදු කාර්යාලය (ATO) විසින් දැඩි අනතුරු ඇගවීමක් නිකුත් කර තිබෙනවා.
ආදායම් බදු ගෙවීමෙන් වැළකීම සඳහා අත්පිට මුදලින් වැටුප් ගෙවීම බරපතල ක්රියාවක් ලෙසයි ඔවුන් හඳුන්වාදී ඇත්තේ.
විශේෂයෙන් ගොඩනැගිලි සහ ඉදිකිරීම් කර්මාන්තයේ ව්යාපාර – පිරිසිදු කිරීමේ සේවා සපයන ව්යාපාර – භාණ්ඩ ප්රවාහන සේවා – ආරක්ෂක සේවා වැනි ක්ෂේත්ර කිහිපයක සේවකයන්ට සහ උප කොන්ත්රාත්කරුවන්ට අත්පිට මුදලට වැටුප් ගෙවන බවටයි හෙළිකරගෙන ඇත්තේ.
කොන්ත්රාත්කරුවන් 950,000 කට ඩොලර් බිලියන 350 ක පමණ සිදුකළ ගෙවීම් පසුගිය මූල්ය වර්ෂයට අදාළව බදු කාර්යාලය විසින් අනාවරණ කරගෙන තිබෙනවා.
බදු වලට යටත්ව අදාළ ගෙවීම් සිදුකරමින් අගෝස්තු 28 වනදා වනවිට බදු කාර්යාලය වෙත නියමිත බදු ගොණුවක් ඉදිරිපත් කරන්නැයිද දන්වා තිබෙනවා.
බදු ගෙවිය හැකි ගෙවීම් වාර්තා කිරීමේ පද්ධතිය බදු කාර්යාලයට මෙම ක්රියාකාරකම් විමර්ශනය කිරීමට ඉඩ සලසා ඇති බවද සඳහන්.