Aged Care සේවකයන්ට අර්ථවත් වැටුප් වැඩි කිරීමක් හිමිවන යෝජනාවක් කොමිසම වෙත අද දිනයේදී ඉදිරිපත් කිරීමට ෆෙඩරල් රජය සූදානමින් සිටිනවා.
මීට අදාළව පත් කර ඇති රාජකීය කොමිසමද පසුගියදා නිර්දේශ කර තිබුණේ Aged Care සේවකයන්ට සැළකිය යුතු වැටුප් වැඩිකිරීමක් ලබාදෙන ලෙසයි.
Aged Care විෂය භාර ඇමතිනී අනිකා වෙල්ස් පැවසුවේ කොපමණ අගයකින් වැටුප් වැඩි කරන්නේද යන්න ප්‍රකාශයට පත් නොකරන නමුත් සාධාරණ වැටුප් වැඩි කිරීමක් ලබාදෙන බවයි.
මේ අතර අවම වශයෙන් සියයට 25 ක වැටුප් වැඩි කිරීමක් අවශ්‍ය බව වෘත්තීය සමිති අවධාරණය කරනවා.
ඒ අනුව පැයක වැටුප අවම වශයෙන් ඩොලර් 05 කින් ඉහළ යා යුතු බවයි ඔවුන්ගේ ස්ථාවරය වන්නේ.
ඔස්ටේ්‍රලියාව පුරා සිටින සේවකයන් සංඛ්‍යාව ලක්ෂ 02 කට අධිකයි.
