ආර්ථික අර්බුද හමුවේ ශ්‍රී ලාංකික කාන්තාවන් ජීවනෝපාය සඳහා ලිංගික ශ්‍රමිකත්වයට නැඹුරුවීමේ වැඩි ප්‍රවණතාවයක් දක්නට ඇතැයි ඉන්දීය මාධ්‍ය වාර්තා කරනවා.
ඉන්දීය ඒ එන් අයි පුවත් සේවය පළකර ඇති වාර්තාවක දැක්වෙන්නේ ශ්‍රී ලංකාවේ පෙර නොවූවිරූ ආර්ථික අර්බුදය හමුවේ මිලියන 22 ක ජනතාව දැවැන්ත දුෂ්කරතාවන්ට සහ දරිද්‍රතාවයකට මුහුණ දී සිටින බවයි.
කාන්තාවන්ගෙන් වැඩි දෙනෙකුට විශේෂයෙන් ඇගළුම් අංශයේ රැකියා අහිමි වී ඇති බව මෙහි සඳහන්.
මෙම තත්ත්වය හමුවේ කාන්තාවන් ලිංගික ශ්‍රමිකයින් බවට පත්වීමේ ප්‍රවණතාවක් ඇති බව ඉන්දීය පුවත් සේවා පෙන්වා දෙනවා.
පසුගිය මාසය තුළ ශ්‍රී ලංකාවේ ගණිකා වෘත්තියේ සියයට 30 ක පමණ වැඩි වීමක් දක්නට ලැබෙන බව ද අනාවරණ වී තිබෙනවා.
කාන්තාවන්ගේ රැකියා අහිමි වීමත් සමග ඔවුන් ස්පා සහ සුවතා මධ්‍යස්ථානවල සේවයට යොමු වෙමින් ලිංගික ශ්‍රමිකයින් ලෙස ආදායම් ඉපැයීමට පෙළඹී ඇති බව මෙම වාර්තාවේ අන්තර්ගතයි.
