ගුවන් ගමන් බලපත්‍ර නිකුත් කිරීමේදී ඉතා හදිසි අවශ්‍යතා සඳහා විදෙස්ගත වන අයදුම්කරුවන්ට විශේෂ එක් දින සේවාවක් ආරම්භ කර තිබෙනවා.
ආගමන හා විගමන දෙපාර්තමේන්තුව සඳහන් කලේ එම හදිසි අවශ්‍යතාවය සනාථ කෙරෙන ලියකියවිලි යොමු කිරීම සඳහා 0706 311 711 යන වට්ස්ඇප් අංකය හඳුන්වාදී ඇති බවයි.
එම අයඳුම්කරුවන් වෙත අයදුම්පත් භාරදීම සඳහා කඩිනමින් දිනයක් ලබාදීම සඳහා ආගමන හා විගමන දෙපාර්තමේන්තුව කටයුතු කර තිබෙනවා.
මේ වනවිට රටේ පවතින කොවිඩ් වසංගත තත්ත්වය පාලනය කිරීමේ පියවරක් ලෙස අද සිට විදෙස් ගමන්
බලපත්‍ර නිකුත් කිරීම සිදුකරනු ලබන්නේ කලින් දිනයක් සහ වේලාවක් වෙන්කර ගත් අයදුම්කරුවන් සඳහා පමණක් බවද ආගමන හා විගමන දෙපාර්තමේන්තුව නිවේදනය කරනවා.
