ඔස්ටේ්‍රලියානුවන් ලක්ෂ 05 කට ආසන්න පිරිසකට දීර්ඝ කොවිඩ් හෙවත් long COVID තත්වය ඇතිවනු ඇති බවට අනතුරු ඇගවෙනවා.
2020 වසරේ ආරම්භයේ සිට මේ දක්වා ඔස්ටේ්‍රලියානුවන් ලක්ෂ 90 කට ආසන්න පිරිසක් කොවිඩ් වෛරසයට ගොදුරු වී ඇතැයි සඳහන්.
ඒ අතරින් 450,000 කට වැඩි පිරිසක් මෙම තත්වයට මුහුණ දෙනු ඇති බවටයි පුරෝකථනය කර ඇත්තේ.
ලෝක සෞඛ්‍ය සංවිධානයට අනුව දීර්ඝ කොවිඩ් තත්වය යනු පළමුවෙන් වෛරසය වැළඳී මාස 03 කට පසුවත් එම තත්වය පවතීනම් හෝ අවම වශයෙන් අඛණ්ඩව මාස 02 ක් රෝග ලක්ෂණ පැවතීමයි.
එමෙන්ම පුරුෂයන්ට සාපේක්ෂව කාන්තාවන් දීර්ඝ කොවිඩ් තත්වයට ගොදුරුවීමේ ප්‍රවණතාවය සියයට 22 කින් ඉහළ අගයක පවතින බවයි අනාවරණ වී ඇත්තේ.
