විශේෂ අවශ්‍යතා සහිත තරුණයෙකු පොලිස් වෙඩි පහරින් මියයයි

නිව්යෝක් නගරයේ නිවසකදී පොලිස් වෙඩි පහරින් 19 හැවිරිදි මානසික සෞඛ්‍ය ගැටළුවක් සහිත තරුණයෙකු මියයාමේ සිද්ධියක් පිළිබඳ විශේෂ විමර්ශනයක් ආරම්භ කර තිබෙනවා.

ලැබුණු හදිසි ඇමතුමකට අනුව අදාළ නිවසට පැමිණි පොලිසිය එම ඇමතුම ලබාදුන් තරුණයාටම ඔහුගේ මව ඉදිරියේ මෙලෙස වෙඩි තබා ඇති බවයි පැවසෙන්නේ.

වෙඩි තැබීම සිදුවන අවස්ථාවේ එහි සිටි පොලිස් නිලධාරීන් සිරුරේ පැළඳ සිටි කැමරාවල සිදුවීම සටහන් වී ඇති අතර ඒ ඔස්සේ පරීක්ෂණ සිදු කරන බව පොලිසිය අවධාරණය කර තිබෙනවා.

මියගිය තරුණයා සහ ඔහුගේ පවුලේ සාමාජිකයන් බංග්ලාදේශ සංක්‍රමණිකයන් බව ද අනාවරණ වී ඇතැයි සඳහන්.

පොලිසිය නිවසට ඇතුළු වී විනාඩි දෙකකටත් අඩු කාලයක් තුළ එක් පොලිස් නිලධාරියෙක් ඔහුගේ ගිනි අවියෙන් තරුණයාට අවම වශයෙන් හතර වතාවක් වෙඩි තැබූ බව සඳහන්.

විවේචකයින් පවසන්නේ පොලිසිය මෙවැනි මාරාන්තික බලය යෙදවීම අනවශ්‍ය වන අතර එය විශේෂ අවශ්‍යතා සහිත පුද්ගලයින්ට එරෙහි ප්‍රචණ්ඩත්වය පිළිබිඹු කරන බවයි.

රොසාරියෝ නම් මෙම තරුණයා මානසික ආබාධයක් හේතුවෙන් පසුගිය මාර්තු 27 වනදා හදිසි ඇමතුම් අංශය අමතා ඇති අතර බාල සොහොයුරා සඳහන් කර ඇත්තේ ඔහු කරන ක්‍රියාවන් පිළිබඳ ඔහු ද නොදන්නා බවයි.

මානසික සෞඛ්‍ය අර්බුදයකට මුහුණ දෙමින් සිටියදී පොලිසිය අතින් මිය ගිය පළමු නිව් යෝර්ක් වැසියා රොසාරියෝ නොවන අතර 2007 වසරේ සිට අවම වශයෙන් මානසික සෞඛ්‍ය අර්බුදවලට මුහුණ දෙන නිව්යෝර්ක් වැසියන් 26 දෙනෙකු පොලිසිය විසින් වෙඩි තබා ඝාතනය කර ඇති බව වාර්තාවල සඳහන්.

තම සුරතලුන් දෙදෙනාගේ ප්‍රහාරයෙන් කාන්තාවක් මිය යයි

නැගෙනහිර ලන්ඩනයේ නිවසකදී ඇමෙරිකන් බුලි (XL Bully) වර්ගයේ දැවැන්ත සුනඛයන් දෙදෙනෙකුගේ ප්‍රහාරයක් හේතුවෙන් 50 හැවිරිදි කාන්තාවක් මිය ගොස් ඇති බව පොලිසිය තහවුරු කර තිබෙනවා.

Read More »

ඔස්ට්‍රේලියානුවන් වැඩි වශයෙන් භාවිතා කරන භාෂා ගැන අලුත් අනාවරණයක්

සෑම ඕස්ට්‍රේලියානුවන් පස් දෙනෙකුගෙන් එක් අයෙක් නිවසේ දී ඉංග්‍රීසි භාෂාව හැර වෙනත් භාෂා භාවිත කරන බව නවතම අධ්‍යයනයක දී හෙළිව තිබෙනවා.

Read More »

වික්ටෝරියා ප්‍රාන්තයේ ප්‍රධාන පාසලක සිසුන්ට ජල බෝතල් තහනම් වෙයි

වික්ටෝරියා ප්‍රාන්තයේ ජනප්‍රිය පෞද්ගලික පාසලක ඇතැම් සිසුන් සඳහා පන්ති කාමරය තුළ ජල බෝතල් තහනම් කර ඇතැයි වාර්තා වනවා.

Read More »

මෙල්බන්හි මාර්ගයක ඇවිද යමින් සිටි කාන්තාවකට පිහි ප්‍රහාරයක්

අද උදෑසන මෙල්බර්න් නගරයේ කාර්යබහුල නගර අභ්‍යන්තර මාර්ගයකදී කාන්තාවකට නාඳුනන පුද්ගලයෙකු විසින් පිහියෙන් ඇනීමේ සිදුවීමක් පිළිබඳ පොලිස් පරීක්ෂණ ආරම්භ වී තිබෙනවා.

Read More »

ඔස්ට්‍රේලියාවේ ප්‍රධාන සමාගමක රැකියා දහස් ගණනක කප්පාදුවක්

ටෙල්ස්ට්‍රා (Telstra) සමාගම ප්‍රතිව්‍යුහ ගත කිරීමේ කොටසක් ලෙස එහි ශ්‍රම බලකායෙන් සියයට 9කට සමාන රැකියා 2800ක් දක්වා කපා හැරීමට සැලසුම් කර තිබෙනවා.

Read More »