ගෝඨාභය රාජපක්ෂ ජනාධිපති ධුරයෙන් ඉල්ලා අස්වී ඇතැයි කථානායක මහින්ද යාපා අබේවර්ධන නිල වශයෙන් නිවේදනය කරනු ලැබුවා.
ඊයේ දිනයේ සිට ක්‍රියාත්මක වන පරිදි එම ඉල්ලා අස්වීම බලාත්මක වන බවයි කතානායකවරයා සඳහන් කලේ.
නව ජනාධිපතිවරයෙකු තෝරා ගැනීමේ ක්‍රියාවලිය ඉදිරි දින 07 තුළදී අවසන් කිරීමට අපේක්ෂා කරන බවද අද පෙරවරුවේ පැවති මාධ්‍ය හමුවකදී මහින්ද යාපා අබේවර්ධන සඳහන් කලා.
නව ජනාධිපතිවරයෙකු පත් කරන තෙක් එම ධුරයේ වැඩබැලීම අග්‍රාමාත්‍යවරයා විසින් සිදුකරනු ලබන බවයි කතානායකවරයා ප්‍රකාශ කර සිටියේ.
මේ අතර ජනාධිපතිවරයාගේ ඉල්ලා අස්වීම දැනුම්දීම සඳහා පාර්ලිමේන්තුව හෙට රැස්වීමටද නියමිත බව කථානායක මහින්ද යාපා අබේවර්ධන සඳහන් කලා.
