සර්ව පාක්ෂික ආණ්ඩුවක අග්‍රාමාත්‍ය ධුරය සඳහා විපක්ෂ නායක සජිත් ප්‍රේමදාසගේ නම අද පැවැත්වෙන පක්ෂ නායක රැස්වීමේදී කථානායකවරයා වෙත ඉදිරිපත් කිරීමට තීරණය කර තිබෙනවා.
සමගි ජනබලවේගයේ මහලේකම් පාර්ලිමේන්තු මන්ත්‍රී රංජිත් මද්දුමබණ්ඩාර කියාසිටියේ විපක්ෂයේ දේශපාලන පක්ෂ සමග මේ සම්බන්ධයෙන් ඊයේ දිනයේ දී දීර්ඝ වශයෙන් සාකච්ඡා කළ බවයි.
ජනතා විමුක්ති පෙරමුණ හැර විපක්ෂය නියෝජනය කරන සියලූම පක්ෂ සහ ශ්‍රී ලංකා පොදුජන පෙරමුණ නියෝජනය කරන පිරිසක් ද සජිත් ප්‍රේමදාසට සහාය පළ කර තිබෙනවා.
අදාළ සාකච්ඡාවට සමගි ජන බලවේගය, ශ්‍රී ලංකා නිදහස් පක්ෂය, පක්ෂ 10 නියෝජිතයන්, ලංකා කම්කරු කොංග්‍රසය, ස්වාධීන වූ මන්ත්‍රීවරුන් සහ මන්ත්‍රී ඩලස් අලහප්පෙරුමගේ නියෝජිතයා ලෙස ඩිලාන් පෙරේරා මන්ත්‍රීවරයා ද සහභාගි වී තිබුණා.
