පවතින ඉන්ධන හිඟය හේතුවෙන් ශ්‍රී ලංකන් ගුවන් සේවයේ ගුවන් ගමන් වාර රැසක් අවලංගු විය හැකි බවට ප්‍රචාරය වන ඇතැම් අසත්‍ය තොරතුරු නිවැරදි කිරීමට අපේක්ෂා කරන බව එම ගුවන් සමාගම පවසනවා.
නිවේදනයක් නිකුත් කරමින් ඔවුන් සඳහන් කළේ මේ වන විට ශ්‍රී ලංකාවේ ඉන්ධන හිඟය උච්චතම අවස්ථාවට පැමිණ ඇති බැවින් සතියකට වැඩි කාලයක් තම ගුවන් ගමන් කාලසටහන සුදුසු ගැලපීම් සහිතව කළමනාකරණය කර ගැනීමට හැකි බවට තහවුරු කරන බවයි.
පවතින තත්ත්වයන් කළමනාකරණය කිරීම සඳහා ගුවන් ගමන් කාලසටහන්වල වෙනස්වීම් සිදුකර ඇති අතර ඉන්ධන ලබා ගැනීම සඳහා තෝරාගත් විදේශීය ගුවන් තොටුපළවල තාක්ෂණික නැවතුම් හඳුන්වාදී තිබෙනවා.
ඒ අනුව ඇතැම් ගුවන් ගමන්වල වේලාව සහ කාලසීමාවේ යම් වෙනස්කම් සිදුවිය හැකි බවයි ගුවන් සමාගම සඳහන් කළේ.
කෙසේ වෙතත්, ශ්‍රී ලංකන් ගුවන් සමාගම කාලසටහන් සංශෝධනවල බලපෑම නොතකා තම ගුවන් ගමන් කාලසටහන 100%කට ආසන්න කාර්යක්ෂමතාවයකින් යුතුව ක්රියාත්මක කරමින් සිටිනවා.
මෙම තීරණාත්මක අවස්ථාවේදී නියමිත ගුවන් ගමන් මෙහෙයුම් අවම බාධාවකින් තොරව ක්රියාත්මක කිරීමට සෑම උත්සාහයක්ම ගන්නා බවයි ශ්‍රී ලංකන් ගුවන් සමාගම සිය පාරිභෝගිකයින්ට සහතික වන්නේ.
