සිංහල කථා කරන වැඩිම ලාංකිකයන් Clyde North ප්‍රදේශයේ / බුදු දහම අදහන්නන් ඉහළට

දැනට ඔස්ටේ්‍රලියාව තුළ වාසය කරන ශ්‍රී ලාංකිකයන් අතුරින් සිංහල භාෂාව කථා කරන පුද්ගලයන් අතුරින් වැඩිම පිරිසක් වාසය කරනුයේ මෙල්බන් හි Clyde North ප්‍රදේශයේ බව තහවුරු වී තිබෙනවා.

2021 වසරේ ජන හා නිවාස සංගණනයට අනුව එම සංඛ්‍යාව 2,512 ක්.

දෙවන ස්ථානය Craigieburn ප්‍රදේශයට හිමිවී ඇති අතර එහි සිංහල භාෂාව කතා කරන පුද්ගලයින් 1,980 ක් පදිංචිවී සිටින බව සඳහන්.

Berwick ප්‍රදේශයේ සිංහල භාෂාව කතා කරන පුද්ගලයින් 1,888 ක් පදිංචි වී සිටින අතර එය ලැයිස්තුවේ 3 වන ස්ථානයට පත්ව තිබෙනවා.

2021 වසරේ සංගණනයට අනුව සිංහල භාෂාව කතා කරන වැඩිම පුද්ගලයින් සංඛ්‍යාවක් පදිංචිවී සිටින පළමු උප නගර 10 ම වික්ටෝරියා ප්‍රාන්තයෙන් වීම විශේෂත්වයක්.

නිවසේදී සිංහල භාෂාව කතා කරන සංඛ්‍යාව 85,869 ක් ලෙස මෙවර සංගණනයේදී වාර්තා වූ අතර 2016 වසරේදී එම සංඛ්‍යාව 64,612 ක් ලෙස පැවතුණා.

එයින් වැඩිම පිරිසක් වාසය කරන්නේ වික්ටෝරියා ප්‍රාන්තයේ වන අතර එම අගය 49,501 ක් වන අතර 2016 වසරේදී එම ප්‍රමාණය 37,423 ක් ලෙසයි සටහන් වූයේ.

මේ අතර ඔස්ටේ්‍රලියාවේ වාසය කරන සිංහල භාෂාව කතා කරන පුද්ගලයින්ගෙන් 54,603 ක් ඔස්ට්‍රේලියානු පුරවැසියන් වනවා.

ඔස්ට්‍රේලියාව තුළ සිංහල භාෂාව කතා කරන පුද්ගලයන්ගෙන් බහුතරයකගේම ආගම බුද්ධාගම වන අතර එම සංඛ්‍යාව 64,839 ක්.

එය ප්‍රතිශතයක් ලෙස 75.5% ක් වන අතර 2016 වසරේ සංගණනය සමග සසඳන කල එය 1% ක වර්ධනයක් වනවා.

ඔස්ට්‍රේලියාව තුළ සිංහල භාෂාව කතා කරන පුද්ගලයන්ගෙන් කතෝලිකයින් 13,380 ක් වෙසෙන අතර එය 15.6% ක ප්‍රතිශතයක් ලෙසයි සටහන් වන්නේ.

නමුත් 2016 වසරේ සංගණනය සමග සසඳන කල එය 0.8% ක පහළ යාමක් වනවා.

SOURCE : ABS / SBS

ඔස්ට්‍රේලියා ඉතිහාසයේ තුන්වන විශාලතම ලොතරැයි ත්‍යාගයේ හිමිකරු සොයයි

ඔස්ට්‍රේලියා ඉතිහාසයේ තුන්වන විශාලතම ත්‍යාග මුදල ලැබෙන ලොතරැයි දිනුම් ඇදීමෙන් ජයග්‍රාහකයෙකු බිහි වී තිබෙනවා.

Read More »

වෙසක් පොහොය දින වෙනුවෙන් සැමරුම් රැසක් නිව් සවුත්වේල්ස් ප්‍රාන්තයට භූ චලනයක් වික්ටෝරියා ප්‍රාන්තයෙන් හමුවූ කුරුළු උණ වෛරසය ගැන විශේෂ දැනුම්දීමක් ඔස්ට්‍රේලියාව තුළ රිය පැදවීමේදී ආහාර ගැනීමට ඇති නීතිමය අවසරය ගැන පැහැදිළි කිරීමක් ගෘහාශ්‍රිත සුරතල් සතුන් ගණන මිලියන 28ත් ඉක්මවා යයි

Read More »

වික්ටෝරියා ප්‍රාන්තයෙන් ඊයේ හමුවූ කුරුළු උණ ගැන අද විශේෂ දැනුම්දීමක්

ලෝකය පුරා පැතිර යන කුරුළු උණ වෛරසයට වඩා වික්ටෝරියා ප්‍රාන්තයෙන් හමුවී ඇති වෛරසයෙන් මහජනතාවට ඇති අවදානම අඩු බව නවතම සමික්ෂණ මගින් අනාවරණ වී තිබෙනවා.

Read More »

මැතිවරණ ප්‍රචාරක රැළියක වේදිකාවක් කඩා වැටී 9ක් ජීවිතක්ෂයට

උතුරු මෙක්සිකෝවේ මැතිවරණ ප්‍රචාරක රැලියක වේදිකාවක් කඩා වැටීමෙන් සිදු වූ අනතුරකින් පුද්ගලයන් 9 දෙනෙකු ජීවිතක්ෂයට පත්වී තිබෙනවා.

Read More »

සිංගප්පූරු ගුවන් යානයේ කැළඹීම ගැන ඇඩිලේඩ් යුවළක් විස්තර කරයි

සිංගප්පූරු ගුවන් සේවයේ යානයක් ඉහළ අහසේදී කැළඹීමකට හසුවීමේ අනතුර සිදුවූ අවස්ථාවේ එහි සිටි ඇඩිලේඩ් පදිංචි යුවළක් සිය අත්දැකීම් මෙන්ම එම අවස්ථාවේ දැනුණු හැඟීම් පිළිබඳ විස්තර කර තිබෙනවා.

Read More »