ඔස්ටේ්‍රලියානුවන්ගෙන් මිලියන 08 කට පමණ කුමන හෝ දීර්ඝ කාලීන සෞඛ්‍ය ගැටලුවක් පවතින බව මෙවර ජන සංගණනයේදී අනාවරණ වී තිබෙනවා.
ලක්ෂ 22 කට වැඩි පිරිසකට මානසික රෝග – ලක්ෂ 21 කට පමණ හන්දිපත් රුදාව සහ ලක්ෂ 20 කට පමණ ඇදුම රෝගය පවතින බවයි අනාවරණ වී ඇත්තේ.
මෙම රෝග අතුරින් දෙකක් පවතින බවට ප්‍රකාශ කර තිබූ සංඛ්‍යාව ලක්ෂ 15 කට ආසන්න වී තිබුණා.
එමෙන්ම 750,000 ක පමණ පිරිසක් පවසා තිබුණේ මෙම රෝග 03 න්ම තමන් පීඩා විඳින බවයි.
වයස් කාණ්ඩ සැළකිමේදී අවුරුදු 65 ට වැඩි ජනගහනයෙන් 3/5 ක් පමණ මින් එක් රෝගයකින් හෝ පීඩා විඳින අතර 15-34 වයස් කාණ්ඩයේ 1/5 ක් පමණ පවසා තිබුණේ තමන් එක් රෝගී තත්වයකින් හෝ පෙළෙන බවයි.
වයසින් අඩු පිරිස් අතර වැඩිපුරම දක්නට ලැබුණු දීර්ඝ කාලීන සෞඛ්‍ය ගැටලුව වන්නේ ඇදුම රෝගයයි.
