නිසි නිවහනක් නොමැතිව මෝටර් රථවල රැය පහන් කරන ජනතාව වෙනුවෙන් නව නිවාස සංකීර්ණයක් ඉදි කිරීමට ක්වීන්ස්ලන්ඩ් ප්‍රාන්ත රජය සැළසුම් කර තිබෙනවා.
පලමු අධියරේදී නිවාස 1200 ක් ඉදි කෙරෙන අතර පුද්ගලික නිවාස ඉදි කිරීම් සමාගමක හවුල්කාරීත්වයද ඊට හිමිවනවා.
වසර 04 ක කාලයක් තුළදී නිවාස 7400 ක් ඉදි කර අවසන් කිරීමටයි ක්වීන්ස්ලන්ඩ් ප්‍රාන්ත රජය සැළසුම් කරමින් සිටින්නේ.
ඒ අනුව 2023 – 2025 කාලසීමාවේදී නව නිවාස ව්‍යාපෘති 07 ක වැඩ කටයුතු ආරම්භ කිරීමට නියමිතයි.
ක්වීන්ස්ලන්ඩ් සමාජ ආරක්ෂණ වැඩපිළිවෙල යටතේ සමාජ නිවාස පොරොත්තු ලේඛනයට ඇතුළත්ව සිටින පුද්ගලයන් සංඛ්‍යාව 50,301 ක්.
