ඔස්ටේ‍රලියාවේ වැඩිම පිරිසක් වාසය කරන නිවු සවුත් වේල්ස් ප්‍රාන්තයේ 2022-23 වසර සඳහා වන අයවැය ලේඛනය අද ඉදිරිපත් කෙරෙනවා.
පවතින ජීවන බර සහ උද්ධමනය සළකා ප්‍රාන්ත වාසීන්ට සහන සැළසෙන අයවැයක් ඉදිරිපත් කෙරෙනු ඇති බවටයි අනාවැකි පළවන්නේ.
එමෙන්ම අධ්‍යාපනය – රැකියාවල නියුතු කාන්තාවන් – මාර්ග ව්‍යාපෘති සහ සෞඛ්‍යය වැනි අංශ සඳහා මෙවර අයවැයෙන් වැඩි මුදල් ප්‍රමාණයක් වෙන් කෙරෙනු ඇතැයිද සඳහන්.
අයවැය හිගය පියවා ගැනීම සඳහා වාර්තාගත ණය මුදලක්ද මෙවර නිවු සවුත් වේල්ස් ප්‍රාන්ත රජයේ අයවැයට අන්තර්ගත වනු ඇති.
නිවු සවුත් වේල්ස් භාණ්ඩාගාරික මැට් කීන් විසිනුයි අද අයවැය ලේඛනය ඉදිරිපත් කරනු ලබන්නේ.
