ඔස්ටේ්‍රලියාවේ ප්‍රාදේශීය කලාපවල දැනට පවතින උග්‍ර සේවක හිගය මගහරවාලීම සඳහා සරණාගත වීසා බලපත් හිමි යුක්රේන ජාතිකයන් යොදාගැනීම කෙරෙහි අවධානය යොමුව තිබෙනවා.
යුක්රේන සරණාගතයන් 40 කට වැඩි පිරිසක් නිවු සවුත් වේල්ස් හි සේවා යෝජකයන් සහ නවාතැන් සපයන්නන් හමුවි ඇති බව සඳහන්.
ඔවුන් ප්‍රාදේශීය කලාප වෙත ගොස් ඒවායෙහි ඇති සුදුසු රැකියාවල නිරතවීමට එකග වී තිබෙනවා.
සේවා යෝජකයන් දන්වා ඇත්තේ යුක්රේන සරණාගතයන් සතු නිපුණතා උපකාර කර ගනිමින් සේවක හිගය මගහරවා ගැනීමට හැකිවුවහොත් පවතින ගැටලු ඉක්මණින් විසඳා ගැනීමට හැකිවනු ඇති බවයි.
යුක්රේන සහ ඇෆ්ඝන් සරණාගතයන් සඳහා නිකුත් කරන වීසා කෝටාව තවත් ඉහළ දමන බව ෆෙඩරල් රජය පසුගියදා නිවේදනය කලා.
