ඇබොරිජින්වරුන්ගේ ධජය සිඩ්නි වරාය පාලමේ ස්ථිරවම ප්‍රදර්ශනය කිරීම මෙම වසර අවසානයේ සිට සිදුකිරීමට තීරණය කර තිබෙනවා.
ප්‍රාන්ත අගමැති ඩොමිනික් පෙරෝටේ පැවසුවේ වරාය පාලමේ 03 වන ධජ කුළුණක් ඉදි කිරීම සහ නඩත්තුව සඳහා ඩොලර් මිලියන 25 ක මුදලක් වෙන් කිරීමට නියමිත බවයි.
ඊට අදාළ යෝජනාව අනිද්දා ඉදිරිපත් කෙරෙන නිවු සවුත් වේල්ස් ප්‍රාන්ත රජයේ අයවැය ලේඛනයට ඉදිරිපත් කෙරෙනු ඇති.
දැනටමත් සිඩ්නි වරාය පාලමේ ඔස්ටේ්‍රලියානු ධජය සහ නිවු සවුත් වේල්ස් ප්‍රාන්ත ධජය ප්‍රදර්ශනය කරමින් පවතිනවා.
ඔස්ටේ්‍රලියානු ආදිවාසීන්ට ගෞරවය පුද කිරීම සඳහා මෙවැනි තීරණයක් ගැනීමට හැකිවීම පිළිබඳ සතුටු වන බවයි අගමැති පෙරෝටේ සඳහන් කලේ.
