අගමැති ඇන්තනී ඇල්බනීස් විසින් අගමැතිවරයා ලෙස සහභාගී වූ පළමු ජාතික කැබිනට් රැස්වීම අද පැවැත්වුණා.
එහි වැඩිම අවධානයක් යොමුකර තිබුණේ සෞඛ්‍ය සහ සංක්‍රමණය පිළිබඳවයි.
පුහුණු නිපුණතා සේවක හිගය මගහරවාලීමට ගත හැකි පියවර ජාතික කැබිනෙට්ටුවේදී වැඩි අවධානයක් යොමුකල කරුණක් වී තිබුණා.
ජාතික පුහුණු නිපුණතා වැඩපිළිවෙලක් සකස් කිරිමටයි ජාතික කැබිනෙට්ටුව මෙහිදී එකග වී ඇත්තේ.
කෙටිකාලීන විසඳුමක් ලෙස දැනට ගොඩගැසී පවතින පුහුණු නිපුණතා වීසා අයදුම්පත් හැකි ඉක්මණින් සළකා බලා අවසන් කිරීමටද තීරණය කර තිබෙනවා.
මේ අතර කොවිඩ් අරමුදල් වෙන් කිරිම ලබන දෙසැම්බර් 31 වනදා දක්වා දීර්ඝ කිරීමටද ජාතික කැබිනෙට්ටුව එකගතාවය පළකලා.
ඒ යටතේ වෙන් කෙරෙන අමතර මුදල ඩොලර් මිලියන 760 ක්.
