තෝරා ගත් ජාත්‍යන්තර ගුවන් ගමන් කිහිපයකදී ගුවන් යානය තුළ මුහුණු ආවරණ භාවිතය අනිවාර්ය නොකිරීමට ක්වන්ටාස් ගුවන් සේවය තීරණය කර තිබෙනවා.
මේ අනුව අමෙරිකාව – යුරෝපය සහ මහා බ්‍රිතාන්‍යය දක්වා සිදු කෙරෙන ගුවන් ගමන්වලදී මුහුණු ආවරණ භාවිතය අනිවාර්ය වන්නේ නැහැ.
කෙසේවෙතත් අනෙකුත් සෑම ගුවන් ගමනකදීම මෙන්ම අභ්‍යන්තර ගුවන්වාර වලදීත් සාමාන්‍ය පරිදි මුහුණු ආවරණ පැළඳිය යුතු වනවා.
නිරන්තරයෙන් වායු පිරිසිදුකාරක යොදන්නේ නම් ගුවන් යානය තුළදී වෛරස සම්ප්‍රේෂණය ඉතා අවම බවට තහවුරුවීම සැළකිල්ලට ගෙනයි ඔවුන් මෙම තීරණය ගෙන ඇත්තේ.
හෙට එනම් සිකුරාදා මධ්‍යම රාත්‍රියේ සිට ඔස්ටේ‍රලියාව පුරා ගුවන් තොටුපළ තුළදී මුහුණු ආවරණ භාවිතය අනිවාර්ය නොවනු ඇති.
