අනවසර සංක්‍රමණිකයන් රැගත් තවත් බෝට්ටුවක් කොකොස් දූපත ආසන්නයේදී ඔස්ටේ්‍රලියානු වෙරළාරක්ෂක බලකාය භාරයට ගෙන තිබෙනවා.
එරට ෆෙඩරල් මැතිවරණය පැවති පසුගිය මැයි 21 වනදායින් පසු වෙරළාරක්ෂක බලකාය විසින් සිය භාරයට ගත් 03 වන බෝට්ටුව මෙයයි.
කෙසේවෙතත් කුමන රටක සංක්‍රමණිකයන් මෙහි ගමන් කරන්නේ දැයි මෙතෙක් නිශ්චිතව තහවුරු වී නැතැයි ඔස්ටේ්‍රලියානු වෙරළාරක්ෂක බලකාය සඳහන් කලා.
ඇතැම්විට මීට දින කිහිපයකට ඉහතදී ශ්‍රී ලංකාවෙන් පළාගිය බවට සැකකෙරෙන නීති විරෝධී සංක්‍රමණිකයන් එහි ගමන් කරන බවට ද නිල නොවන වාර්තාවල සඳහන්.
පසුගිය සති කිහිපය ලාංකිකයන් 300 කට ආසන්න පිරිසක් මෙලෙස ඔස්ටේ්‍රලියාවට යාමට තැත් කර ඇති බව සඳහන්.
ඔවුන් අතුරින් බෝට්ටු 02 ක පිරිස ආපසු හරවා යවනු ලැබුවා.
