අධික ඉල්ලුම හමුවේ ඉදිරි දිනවලදී ගිලන් රථ සඳහා ප්‍රතිචාර දැක්වීමේ කාලය සැළකිය යුතු ප්‍රමාද වනු ඇති බවට බටහිර ඔස්ටේ්‍රලියා ප්‍රාන්ත ශාන්ත ජෝන් ගිලන් රථ සේවය ප්‍රාන්තවාසීන්ට දන්වා සිටිනවා.
හදිසි සහ අත්‍යවශ්‍යම නොවන අවස්ථාවලදී ගිලන් රථ සේවය ඇමතීමෙන් වළකින ලෙසයි ඔවුන් ඉල්ලා සිටින්නේ.
මේ දිනවල පැයකට ඇමතුම් 40 කට අධික සංඛ්‍යාවක් ලැබෙන බව බටහිර ඔස්ටේ්‍රලියා ප්‍රාන්ත ශාන්ත ජෝන් ගිලන් රථ සේවය සඳහන් කලා.
උද්ගතව ඇති තත්වය හමුවේ ජිවිත අවධානමක් සහිත රෝගීන්ට ප්‍රමුඛතාවය දීමට සිදුව ඇති බවයි ඔවුන් කියාසිටියේ.
මෙම මාසයේ ගතවූ දින 10 දී පමණක් බටහිර ඔස්ටේ්‍රලියා ප්‍රාන්ත ශාන්ත ජෝන් ගිලන් රථ පර්ත් නුවර රෝහල් අසල පැය 1300 කට ආසන්න වේලාවක් ගත කර තිබුණා.
https://twitter.com/stjohn_wa/status/1535154810550644738?s=20&t=bPh8FYEIulp-y8ejbn3CrQ
