ප්‍රමාණවත් සාර්ව ආර්ථික ප්‍රතිපත්ති රාමුවක් ක්‍රියාත්මක වන තුරු ශ්‍රී ලංකාවට නව මූල්‍ය පහසුකම් ලබා දීමට සැලසුම් නොකරන බව ලෝක බැංකුව යළි අවධාරණය කළා.
මාලදිවයින, නේපාලය සහ ශ්‍රී ලංකාව සඳහා වන ලෝක බැංකු අධ්‍යක්ෂ ෆරීස් එච්. හදාද් ට්විටර් පණිවුඩයක් නිකුත් කරමිනුයි මේ බව සඳහන් කළේ.
ලෝක බැංකු කලාපීය අධ්‍යක්ෂවරයා මේ අදහස් දක්වා තිබුණේ ඉදිරි මාස කිහිපය තුළ දී ශ්‍රී ලංකාවට ඇමරිකානු ඩොලර් මිලියන 700ක්
ලබාදෙන බවට ලෝක බැංකුවේ කොළඹ සිටින කළමනාකරු චියෝ කන්දා ප්‍රකාශ කර ඇති බවට විදේශ කටයුතු අමාත්‍යාංශය සිදුකල ප්‍රකාශයක් පිළිබඳව පිළිතුරු සපයමින්.
මේ වන විට පවතින තත්ත්වය යටතේ එවැනි නිශ්චිත මුදල් ප්‍රමාණයක් සැපයීම පිළිබඳව කිසිදු එකගතාවක් නොමැති බවත් එම මාධ්‍ය වාර්තා සහමුලින් සාවද්‍ය වාර්තා බවත් ඔහුගේ ට්විටර් පණිවිඩයේ සඳහන්.
