කැන්බරා හි පදිංචිව සිටි ශ්‍රී ලාංකික ඉංජිනේරුවරියක මුහුදු රළ පහරකට අසුවී ගසාගෙන ගොස් මුහුදේ ගිලී මියගොස් ඇති බව මාධ්‍ය වාර්තාකර ඇත.
මෙම ඉංජිනේරුවරිය සමග මුහුදේ රළ පාගමින් සිටි ඇයගේ මිතුරියන් දෙදෙනකු හා මිතුරන් දෙදෙනකු ද මුහුදේ ගසාගෙන යමින් සිටියදී ගොඩට ගෙන අසාධ්‍ය තත්වයෙන් රෝහලක දැඩි සත්කාර ඒකකයේ තවමත් ප්‍රතිකාර ලබමින් පසුවන බව මියගිය ඉංජිනේරුවරියගේ පියාගේ සහෝදරයකු වන විශ්‍රාමික ජ්‍යෙෂ්ඨ පොලිස් අධිකාරි හරිස්චන්ද්‍ර බණ්ඩාර පැවසීය.
මෙසේ මියගොස් ඇත්තේ 40 හැවිරිදි තිදරු මවක වූ වත්සලා කරුණාතිලක යි.
ඇය ගම්පහ යක්කල ප්‍රදේශයේ පදිංචිකාරියකි.
මියගිය වත්සලා මහත්මිය මීට සති කිහිපයකට කලින් මියගිය විශ්‍රාමික නියෝජ්‍ය පොලිස්පති සෙනවිරත්න බණ්ඩා ගේ දියණියකි.
මියගිය වත්සලා මහත්මියගේ සැමියා ද ඉංජිනේරුවරයකු වන අතර ඔවුන් වසර 20ක පමණ කාලයක සිටම ඕස්ට්‍රේලියාවේ පදිංචිව සිටින බව විශ්‍රාමික ජ්‍යෙෂ්ඨ පොලිස් අධිකාරි හරිස්චන්ද්‍ර බණ්ඩාර කීය.
තම සහෝදරයාගේ දියණිය ඇයගේ සැමියා සහ ශ්‍රී ලංකික මිතුරු මිතුරියන් පිරිසක් විනෝදවීමට මුහුදු වෙරළට ගිය අවස්ථාවේ මෙම අනතුර සිදුවී තිබෙන බව ද විශ්‍රාමික ජ්‍යෙෂ්ඨ පොලිස් අධිකාරිවරයා පවසයි.
