මෙවර ෆෙඩරල් මැතිවරණය සඳහා ඡන්දය ප්‍රකාශ කිරීමට ඔස්ටේ්‍රලියානු පුරවැසියන්ට ලියාපදිංචිවීමට දී තිබූ කාලය අද රාත්‍රී 08 න් අවසන් වනවා.
වයස අවුරුදු 18 සම්පූර්ණ වූ ඕනෑම ඔස්ටේ්‍රලියානු පුරවැසියෙකු රියදුරු බලපත්‍රය – විදේශ ගමන් බලපත්‍රය හෝ වෙනත් එවැනි පිළිගත හැකි අනන්‍යතා සහතිකයක් ඉදිරිපත් කර ලියාපදිංචි විය යුතුයි.
එමෙන්ම පදිංචි ලිපිනය වෙනස් වී ඇත්නම් එය යාවත්කාලීන කරගැනීමද සිදුකර ගැනීමට හැකි බව ඔස්ටේ්‍රලියානු මැතිවරණ කොමිසම දන්වා සිටිනවා.
කොමිසම සඳහන් කරන්නේ ඡන්දය ප්‍රකාශ කිරීම සඳහා සුදුසුකම් ලබා සිටින 650,000 කට ආසන්න පිරිසක් තවමත් ලියාපදිංචි වී නොමැති බවයි.
ඔස්ටේ්‍රලියානු නීතියට අනුව වයස අවුරුදු 18 සම්පූර්ණවී ඇති ලියාපදිංචි ඡන්ද දායකයන් සියලු දෙනා ඡන්ද ප්‍රකාශ කල යුතු අතර එසේ නොකරන පුද්ගලයන්ට දඩ මුදලක් නියම කල හැකි වනවා.
මෙවර ෆෙඩරල් මැතිවරණය ලබන මැයි 21 වනදා පැවැත්වෙන අතර මැතිවරණ ප්‍රචාරක කටයුතුවල දෙවන සතිය අදින් ආරම්භ වනවා.
