නිවු සවුත් වේල්ස් ප්‍රාන්තයේ ජල ගැලීම් හේතුවෙන් බලපෑම් එල්ලවූ ජනතාවගේ මානසික සෞඛ්‍ය නගාසිටුවීම සඳහා ඩොලර් මිලියන 25 ක සහන පැකේජයක් ප්‍රකාශයට පත් කර තිබෙනවා.
ජල ගැලීම් වින්දිතයන්ට උපකාර කිරීම සඳහා දැනටමත් ප්‍රාන්තයේ උතුරු ප්‍රදේශයේ මධ්‍යස්ථාන 08 ක් පිහිටුවා අවසන්.
නිවු සවුත් වේල්ස් අගමැති ඩොමිනික් පෙරෝටේ සඳහන් කලේ පවිත්‍ර කටයුතු – නැවත නිවාසවල පදිංචි කිරිම සහ ආර්ථික සහන ලබාදීම පළමු ප්‍රමුඛ කාර්යයන් වන බවයි.
ජනතාව ආරක්ෂාකාරීව නිවෙස් වෙත යැවීම සඳහා දැනටමත් 1500 ක පිරිසක් කටයුතු කරමින් සිටිනවා.
නිවු සවුත් වේල්ස් උතුරු ප්‍රදේශයේ ගංගා ආශ්‍රිතව දිනපතා ටොන් 4000 ක පමණ සුන්බුන් තොගයක් එක් රැස්වෙමින් පවතින බවද සඳහන්.
