රුසියානු හමුදා යුක්රේනයේ කිව් අගනුවරට ඇතුලු වී තිබෙනවා.
දිශා 03 කින් ඔවුන් නගරය වට කර ඇති බවයි විදෙස් වාර්තා සඳහන් කලේ.
මේ අතර කිව් අගනුවර ආසන්නයේ පිහිටි ගුවන් ධාවන පථයක බලයද රුසියානු හමුදා විසින් අත්පත් කරගෙන තිබෙනවා.
ඒ සඳහා රුසියානු හෙලිකොප්ටර් යානා 200 ක් පමණ සහභාගී වී ඇති බවයි විදෙස් වාර්තාවල දැක්වෙන්නේ.
මේ අතර රුසියාවේ ප්රධාන ඉලක්කය තමන් බව යුක්රේන ජනාධිපති වොලොඩිමිර් සෙලෙන්ස්කි පවසනවා.
එහෙත් කිසිදු අයුරකින් තමා කිව් අගනුවර අතහැර දමා පළා නොයන බවටයි ඔහු ප්රතිඥා දුන්නේ.
එකම සාකච්ඡා මේසයක සිට පවතින තත්වය සම්බන්ධයෙන් රුසියානු ජනාධිපතිවරයා සමග සාකච්ඡා කිරීමට තමන් සූදානම් බවද යුක්රේන ජනාධිපතිවරයා ප්රකාශ කලා.
එක්සත් ජාතීන්ගේ සංවිධානයට අනුව ඊයේ දිනයේ ගැටුම්වලින් සිවිල් වැසියන් 25 දෙනෙකු මියගොස් තවත් 102 දෙනෙකු තුවාල ලබා තිබුණා.
මේ අතර රුසියාවේ පැවැත්වීමට නියමිතවූ ක්රීඩා තරග කිහිපයක් අවලංගු කර ඇති අතර ක්රීඩා තරගාවලි කිහිපයකට රුසියාව සහභාගී කරවා නොගැනීමටද තීරණය කර තිබෙනවා.
මේ අතර නවතම වාර්තාවක දැක්වුණේ යුරෝපා සංගමයට අයත් රටවල පවතින රුසියානු ජනාධිපතිවරයාගේ සහ විදේශ අමාත්යවරයාගේ සියලු වත්කම් තහනම් කිරීමට යුරෝපා සංගමය තීරණය කර ඇති බවයි.
උද්ගතව ඇති තත්වය පිළිබඳ චීන – රුසියා ජනාධිපතිවරුන් අතර දුරකථන සාකච්ඡාවක් අද දිනයේදී පවත්වා තිබෙනවා.
චීන ජනාධිපතිවරයා එහිදී දන්වා ඇත්තේ ගැටලුව විසඳීමට රුසියාවට සහයවීමට සූදානම් බවයි.