ෆෙඩරල් රජයේ භාණ්ඩාගාරික Josh Frydenberg ගේ පුරවැසිභාවය සම්බන්ධයෙන් අධිකරණයේදී අභියෝගයට ලක් කල මෙල්බන් පදිංචි පුද්ගලයා බංකොළොත්වී ඇති බව හෙළිවනවා.
Michael Staindl නම් මොහු 2019 වසරේදී අදාළ නඩුව පවරා තිබුණේ ද්විත්ව පුරවැසිලාභියෙකු වන Josh Frydenberg ට පාර්ලිමේන්තු අසුනක් දැරිය නොහැකි බවයි.
Josh Frydenberg ගේ මව හංගේරියානු ජාතික කාන්තාවක වන අතර ඒ අනුව ඔහුගේ එම පුරවැසිභාවයද මේ දක්වා ඉවත් කරගෙන නොමැති බවටයි තර්ක කර තිබුණේ.
කෙසේවෙතත් නඩුවෙන් Michael Staindl පරාජයට පත්වූ අතර අධිකරණය නියෝග කලේ සිදුවූ අපහාසයට වන්දියක් ලෙස ඩොලර් 410,000 ක මුදලක් ගෙවන ලෙසයි.
එමෙන්ම නඩු ගාස්තු වැනි සියලු වියදම් සැළකීමේදී අති විශාල මුදලක් දැරීමට ඔහුට සිදුව ඇති අතර මේ වනවිට සිය නිවස පවා අහිමිවීමේ අවධානමක් උද්ගතව ඇති බවටයි වාර්තා පළවන්නේ.
