අත්වැරදීමක් සිදුවූ බව ජොකොවිච් පිළිගනී

ඔස්ටේ්‍රලියාවට ඇතුලුවීම සඳහා තොරතුරු ලබාදීමේදී සිය නියෝජිතයා අතින් අත්වැරදීමක් සිදුව ඇතැයි ලොව අංක එකේ ටෙනිස් ක්‍රීඩක නොවැක් ජොකොවිච් අද පිළිගත්තා.

සිය ඉන්ස්ටග්‍රම් ගිණුමේ සටහනක් තබමින් ඔහු සඳහන් කලේ පසුගිය 16 වනදා කොවිඩ් වැළඳී ඇතැයි තහවුරුවීමෙන් පසුව වුවද මාධ්‍යවේදියෙකු සමග සම්මුඛ සාකච්ඡාවකටද එක්වූ බවයි.

එමෙන්ම ඡායාරූප කිහිපයකට පවා පෙනී සිටි බවත් ඒවා සියල්ල නොකල යුතුව තිබු බවත් සුපිරි ටෙනිස් ක්‍රීඩකයා පිළිගෙන තිබෙනවා.

ඔස්ටේ්‍රලියාවට පැමිණීමට දින 14 කට පෙර වෙනත් කිසිදු රටකට සංචාරය කර නැතැයි ආගමන ලියවිල්ලේ දක්වා ඇතත් ඔහු සර්බියාවේ සහ ස්පාඤ්ඤයේ සිටි බව දැක්වෙන ඡායාරූපප රැසක් මේ වනවිටත් ප්‍රසිද්ධ වී අවසන්.

එම තොරතුරු ලබාදීමේදී සිය නියෝජිතයා විසින් අත්වැරදීමක් සිදුව ඇති බවයි ජොකොවිච් කියාසිටියේ.

එන්නත්කරණයෙන් තොරව ඔස්ටේ්‍රලියාවට ඇතුලුවීම හමුවේ ඔහුගේ වීසා බලපත්‍රය අවලංගු කිරීමට සංක්‍රමණ අංශ පියවර ගත්තද අධිකරණය විසින් එම නියෝගය අවලංගු කරමින් තීන්දුවක් ලබාදුන්නා.

කෙසේවෙතත් වීසා ලබාගැනීම වෙනුවෙන් වැරදි තොරතුරු සැපයූ බවටද සුපිරි ටෙනිස් ක්‍රීඩකයාට චෝදනා එල්ල වී ඇති අතර එහි විමර්ශන සිදුකරමින් පවතින අතරතුරයි ජොකොවිච් අද මෙම නිවේදනය නිකුත් කලේ.

අසත්‍ය තොරතුරු සැපයූ බවට ඔස්ටේ්‍රලියානු ආගමන අංශ විසින් පිළිගතහොත් ඇතැම්විට ඔහුගේ වීසා බලපත්‍රය නැවතත් අවලංගු කිරීමේ හැකියාව ඔස්ටේ්‍රලියා සංක්‍රමණ කටයුතු අමාත්‍යවරයා සතුයි.

මෙල්බන් ඇතුලු ප්‍රදේශ රැසක කාලගුණ වෙනසක් ගැන දැනුම්දීමක්

මෙම සති අන්තයේ ඔස්ට්‍රේලියාවේ ගිනිකොන දෙසින් ඇති වන කාලගුණික වෙනසක් හේතුවෙන් වසර පහකට පසු මෙල්බන් සහ ඒ අවට කලාපයේ සිසිල්ම දින කිහිපය වනු ඇති බවට කාලගුණ අංශ අනාවැකි පල කර තිබෙනවා.

Read More »

වාර්තාවක් තබමින් ශ්‍රී ලංකා කණ්ඩායමට ගෙදර එන්න වෙයි

2024 T20 ලෝක කුසලාන ක්‍රිකට් තරගාවලියේ පළමු වටයෙන්ම ශ්‍රී ලංකාව ඉවතට විසිවී ඇති බව ජාත්‍යන්තර ක්‍රිකට් කවුන්සිලය නිල වශයෙන් ප්‍රකාශයට පත්කර තිබෙනවා.

Read More »