ලොව අංක එකේ ටෙනිස් ක්රීඩක නොවැක් ජොකොවික් විසින්, සිය වීසා බලපත්රය අවලංගු කිරීමට එරෙහිව වික්ටෝරියා ෆෙඩරල් අධිකරණයක් ඉදිරියේ පවරනු ලැබූ අභියාචනය විභාග කිරීම ලබන සඳුදා දක්වා කල්දමා තිබෙනවා.
ඒ අනුව එදින තෙක් ඔහු පිටුවහල් කිරීම අත්හිටුවනු ඇති.
ඔස්ටේ්රලියානු විවෘත ටෙනිස් තරගාවලියට සහභාගීවීම සඳහා පැමිණි ජොකොවික් ට රටට ඇතුලුවීමට මෙල්බන් ගුවන් තොටුපළේදී ආගමන අංශ විසින් අවසර නොදෙනු ලැබුවේ සුපිරි ක්රීඩකයා එන්නත්කරණයට ලක්ව නොසිටීම හේතුවෙනුයි.
ඒ අනුව ඔහුට නිකුත් කර තිබු වීසා බලපත්රය අවලංගු කර රටෙන් පිටුවහල් කිරීමටද ඔස්ටේ්රලියානු බලධාරීන් පියවර ගත්තා.
කෙසේවෙතත් මෙම තීරණය අභියෝගයට ලක් කරමින් නොවැක් ජොකොවික් ගේ නීතීඥන් විසින් ගොණු කර ඇති නඩුවේ තීන්දුව ප්රකාශයට පත් කරන තුරු සුපිරි ටෙනිස් ක්රීඩකයාට ඔස්ටේ්රලියාව තුළ රැඳී සිටිය හැකි වනවා.
කිසියම් අයුරකින් පිටුවහල් කිරීමක් සිදුවුවහොත් නැවතත් වසර 03 ක් යනතුරු කිසිදු වීසා බලපත්රයක් යටතේ ඔස්ටේ්රලියාවට පැමිණිමට නොවැක් ජොකොවික්ට අවසර හිමිවන්නේද නැහැ.