නිපදවන චොකලට් වල රස බැලීම සිය රැකියාව වන කැඩ්බරි සමාගමේ සේවිකාවක පිළිබඳ අපූරු පුවතක් වාර්තා වනවා.
Helen Ainsworth නම් ඇය මීට වසර 30 කට පෙර කැඩ්බරි – ඔස්ටේ්රලියා සමාගමේ සේවයට බැඳී තිබුණා.
මේ වනවිට ඇයගේ වෘත්තිය වන්නේ පර්යේෂණ හා සංවර්ධන කළමණාකාරීනි තනතුරයි.
කැඩ්බරි සමාගම විසින් නිෂ්පාදනය කරනු ලබන නව රසයන්ගෙන් යුත් චොකලට්වල රස – ගුණ පරීක්ෂා කර නිවැරදි තත්ව සහතික ලබාදීමයි ඇයගේ ප්රධාන වගකීම වන්නේ.
Helen Ainsworth ට අනුව ලොව හොඳම රැකියාව ලෙස ඇය මෙය හඳුන්වා දෙන අතර නිරතුරුවම නිවසේදීත් කාර්යාලයේදීත් චොකලට් රස බැලීම කිසිවිටක එපා නොවුණු රාජකාරියක් බව ඇය පෙන්වා දෙනවා.
එමෙන්ම කැඩ්බරි ඔස්ටේ්රලියා සමාගම වෙනුවෙන් තමන් විසින්ම හඳුන්වා දෙන ලද රසයන් කිහිපයක්ම වන බවද Helen Ainsworth ප්රකාශ කරනවා.
ඇතැම්විට එකම නිෂ්පාදනය කිහිප විටක්ම රස බැලීමට ලැබීම සමහර අවස්ථාවලදී තරමක දුෂ්කර කාර්යයක් වුවද අද වනවිට තමන් ඊට පුරුදු වී ඇති බවයි ඇය පවසා සිටින්නේ.
PIC – 7NEWS
