ක්වීන්ස්ලන්ඩ් සිට පැමිණි බටහිර ඔස්ටේ්රලියා ප්රාන්තයට පැමිණි ප්රංශ ජාතික සංචාරකයාට සම්බන්ධ තවත් දෙදෙනෙකු කොවිඩ් ආසාධිත බව හෙළිවී තිබෙනවා.
ඊයේ දිනයේදී ප්රාන්තයෙන් හමුවු ආසාධිතයන් 05 දෙනා අතරට ඔවුන් දෙදෙනාද අයත් බවයි සෞඛ්ය අංශ කියාසිටියේ.
මේ අනුව අදාළ පොකුරට සම්බන්ධ ආසාධිතයන් ගණන 07 දක්වා ඉහළ යනු ඇති.
ක්වීන්ස්ලන්ඩ් සිට පැමිණි ප්රංශ ජාතික සංචාරකයෙකුට කොවිඩ් වැළඳී ඇතැයි හෙළිවීමත් සමග පර්ත් සහ පීල් නගර වෙත කොවිඩ් රෙගුලාසි කිහිපයක් පණවා තිබෙනවා.
ඒ අනුව ලබන 28 වනදා අලුයම 06 දක්වා ප්රාන්තයේ සියලුම පොදු ස්ථානවල මුහුණු ආවරණ පැළඳ සිටීම අනිවාර්ය වනවා.
රැකියා ස්ථාන – පොදු ප්රවාහනය – රෝහල් – වෙළඳ සංකීර්ණ සහ සියලුම hospitality ස්ථාන මීට අයත්.
පුද්ගලික නිවාස තුළදී පමණක් මුව ආවරණ භාවිතය අනිවාර්ය නොවනු ඇති.
සියලුම සමාජ ශාලා නැවත දැනුම් දෙන තුරු වසා දැමෙන අතර සංගීත සංදර්ශන වැනි ඉහළ ජන සහභාගීත්වයක් සහිත අවස්ථා නැවත දැනුම් දෙන තුරු අවලංගු වනවා.