ක්වීන්ස්ලන්ඩ් ප්‍රාන්තය තුළ ක්‍රියාත්මක නිරෝධායන නීති රෙගුලාසිවල සංශෝධනයක් සිදුකර තිබෙනවා.
ඒ ලබන ජනවාරි පළමුවනදා සිට කොවිඩ් ආසාධිතයන්ගේ ආශ්‍රිතයන් බවට පත්වන පූර්ණ එන්නත්කරණයට ලක්වූ පිරිස් නිරෝධායනය විය යුතු වන්නේ දින 07 ක් පමණයි.
පස්වන දිනයේදී ඔවුන් කොවිඩ් පරීක්ෂණයකට යොමු කෙරෙන අතර එහිදී සෘණාත්මක බවට පත්වුවහොත් 07 වන දිනයේදී නිරෝධායනයයෙන් මුදා හැරෙනු ඇති.
කෙසේවෙතත් අනතුරුව එළඹෙන සතිය තුළදී ඔවුන් අනිවාර්යයෙන් මුව ආවරණ පැළඳ සිටිය යුතු වනවා.
සේවකයන් නොමැතිව ව්‍යාපාර කටයුතු පවත්වාගෙන යාමේදී මතුවන දුෂ්කරතා සැළකිල්ලට ගෙනයි ක්වීන්ස්ලන්ඩ් බළධාරීන් මෙම තීරණය ගෙන ඇත්තේ.
එන්නත ගෙන නොමැති පුද්ගලයන්ට කිසිදු අයුරකින් නිරෝධායන නීති ලිහිල් වීමක් සිදුවන්නේ නැහැ.
