විදේශයන් හි සිට පැමිණෙන සියල්ලන්ට නැවත වරක් දින 14 ක නිරෝධායන කාලසීමාවක් පැණවීම කෙරෙහි වික්ටෝරියා ප්‍රාන්ත බළධාරින්ගේ අවධානය යොමුවී තිබෙනවා.
ඒ දරුණු කොවිඩ් ප්‍රභේදයක් වන ඔමික්‍රොන් ආසාධිතයන් දෙදෙනෙකු සිඩ්නි නුවරින් හඳුනාගැනීමත් සමගයි.
මේ වනවිට නිවු සවුත් වේල්ස් – වික්ටෝරියා සහ ACT හි නිරෝධායන කාල සීමාව පැය 72 කට පමණක් සීමා කර තිබෙනවා.
එහෙත් නැවතත් මුව ආවරණ භාවිතය අනිවාර්ය කිරීමට සහ නිරෝධායන කාල සීමාව දින 14 ක් කිරීම කෙරෙහි වික්ටෝරියා බළධාරීන් අවධානය යොමු කර ඇති බව සඳහන්.
දකුණු අප්‍රිකාවේ සිට කටාර් හරහා සිඩ්නි පැමිණි අප්‍රිකා මහද්වීපයේ 14 දෙනෙකු අතුරින් 02 දෙනෙකුයි මෙලෙස නව වෛරස් ප්‍රභේදය ආසාධිත බවට තහවුරු කරගත්තේ.
එමෙන්ම නිවු සවුත් වේල්ස් සිට වික්ටෝරියා පැමිණි අයෙකුගේ රෝගී තත්වයද සැක සහිත බව ප්‍රාන්ත සෞඛ්‍ය අංශ සඳහන් කලා.
