පූර්ණ එන්නත්කරණයට ලක්වූ ශ්‍රී ලාංකිකයන්ට නැවතත් සිංගප්පූරුවට ඇතුලුවීමට අවසර ලැබී තිබෙනවා.
ශ්‍රී ලංකාවද ඇතුලු රටවල් 06 ක් එම ලැයිස්තුවට ඇතුළත් කිරීමටයි එරට බළධාරීන් අද පියවර ගෙන ඇත්තේ.
මේ අනුව දෙසැම්බර් 14 වනදා සිට තායිලන්ත පුරවැසියන්ටත් දෙසැම්බර් 16 වනදා සිට ශ්‍රී ලංකාව – කාම්බෝජය – ෆීජි – මාලදිවයින සහ තුර්කියේ පුරවැසියන්ටත් නිරෝධායනයකින් තොරව සිංගප්පූරුවට ඇතුලුවිය හැකියි.
මේ අනුව සිංගප්පූරුව විසින් හඳුන්වාදුන් එන්නත්කරණ සංචරණ තීරු ක්‍රමය නම් මෙම ක්‍රමවේදයට යටත් වන රටවල් සංඛ්‍යාව 27 දක්වා ඉහළ යනු ඇති.
කොවිඩ් වසංගතයට පෙර චැංගි ජාත්‍යන්තර ගුවන් තොටුපළ හරහා සිංගප්පූරුවට දෛනිකව ඇතුලුවන පුද්ගලයන්ගෙන් සියයට 60 කට ආසන්න පිරිසක් පැමිණ තිබුණේද මෙම රටවල් 27 නුයි.
