සේවක හිගය මග හරවාලීමේ අරමුණින් මෙල්බන් නුවර අවන්හලක් විසින් වේටර්වරියන් ලෙස රොබෝ යන්ත්‍ර යොදාගැනීම ආරම්භ කර තිබෙනවා.
මෙල්බන් CBD හි පිහිටා ඇති Dodee Paidang නම් තායි අවන්හලයි මෙය ක්‍රියාත්මක කරනු ලබන්නේ.
මුලුතැන්ගෙයි සකස් කරන ආහාර සෘජුවම පාරිභෝගිකයා වෙත රැගෙනයාම රොබෝවරුන් විසින් සිදුකරනු ලබනවා.
එක් රොබෝ යන්ත්‍රයක් සඳහා දිනකටම අදාළ නිෂ්පාදන සමාගමට ගෙවිය යුතු වන්නේ ඩොලර් 48 ක මුදලක් පමණයි.
එහෙත් සේවකයෙකු හෝ සේවිකාවක යොදාගත්තේ නම් එය මුදල පැය 02 ක සේවයක් සඳහා ගෙවිය යුතු බැවින් රොබෝ යන්ත්‍ර යොදාගැනීම තමන්ට වඩාත් ලාභදායක බව අවන්හල් හිමිකරු පවසනවා.
කාර්යබහුල වේලාවන්හිදී අවන්හලේ කටයුතු කලබලයකින් තොරව පවත්වාගෙන යාම සඳහාද නව වැඩපිළිවෙල ඉවහල්වන බවයි ඔහු පෙන්වා දෙන්නේ.
වික්ටෝරියා ප්‍රාන්තයේ වැඩිම සේවක හිගයක් ඇති ක්ෂේත්‍රයක් වන්නේ Hospitality අංශයයි.
PIC – 9 NEWS
